Almannahagur?

Ekki ætla ég að meta störf Ögmundar að sinni.  Hann virðist hafa verið búinn að dusta rykið af áætlunum Guðlaugs frá því í fyrra og byrjaður að fylgja þeim nokkuð nákvæmlega.  Eftir að hann hættir er eitt efst á baugi!  Það er hagur almennings. 

Margir hafa eðlilega áhyggjur af stjórnarsamstarfinu og hvað gerist ef því lýkur nú?  Bið ykkur um að misskilja mig ekki, ég hef aldrei verið stuðningsmaður þessarar ríkisstjórnar eða þeirri hugmyndafræði sem þar svífur yfir vötnum.  Hafa verður það í huga að ríkisstjórnin boðaði á dögunum aðgerðir til úrlausnar á gríðarlegum vanda heimilanna.  Ef stjórnarsamstarfið springur verður það hörmulegt fyrir þá sem vonuðust eftir úrlausnum á þessu sviði.  Þeim verður frestað enn um sinn.

Af þessum sökum var ég á móti því hvernig Samfylkingin hljóp frá borði í janúar síðast liðnum og eins ætla ég að harma það ef þessi ríkisstjórn fer frá hálfköruðu verki. 

Að lokum ætla ég að taka undir með Ögmundi, þegar hann segir að líf ríkisstjórnarinnar eigi ekki að vera skilyrt útkomu Icesave málsins.  Alþingi hefur þegar samþykkt ákveðna leið og henni á ríkisstjórnin að fylgja.  Vilji hún það ekki þegar viðbrögð Hollendinga og Breta eru ljós, verður hún annað hvort að fara með málið aftur fyrir Alþingi og sætta sig við lýðræðislega niðurstöðu þar, eða segja af sér (sem væri slæmt sbr. ofanskrifað).

Áhyggjur þjóðarinnar og óvissan hafa aukist við afsögn Ögmundar.

Ögmundur segir af sér